مجلة النجوم – سيدني.

تصدرت المطربة الشعبية بوسي الترند ومحركات البحث في جوجل بعد تصريحاتها الأخيرة خلال حلولها ضيفة على برنامج حبر سري الذي تقدمه الإعلامية المصرية أسماء ابراهيم.

وعن عملها في ملاهي ليلية بشارع الهرم بمصر قالت بوسي: “طليقي اللي كان جابرني على الشغلانة في شارع الهرم وضربني علشان انزل الملاهي الليلية في شارع الهرم وكان بيتخانق معايا ويضربني وبيهينِّي علشان أنزل اشتغل في الملاهي الليلية، أنا عانيت كتير وأنا صغيرة والحمد لله إن لسه فيَّ شوية عقل ولو واحدة غيري شافت اللي أنا شُفته كانت لسعت ومشيت في الشوارع أو راحت مستشفى المجانين في العباسية”.

وأضافت بوسي: ” شغلي في شارع الهرم فيه ميزة واحدة إنه علمني إزاي أتعامل مع الناس وبقى عندي خبرة في التعامل لكن بصراحة أنا ندمانة إني اشتغلت في الأماكن دي لإنها مش شبهي”. وفق(القاهرة 24).

وتابعت بوسي: “شُفت في شارع الهرم حاجات كتير مش شبهي، وحصل لي حاجات كتير ضايقتني، ملاهي ليلية بيحصل فيها كل حاجة ناس بتسهر بس أنا كنت بطلع أكل عيشي”.

واختتمت بوسي: “اتجوزت وأنا عمري 19 سنة وكنت لسه صغيرة وكان قافل عليَّ لدرجة إنه كان مانعني أشوف أهلي وأصحابي والمقربين علشان يكوش عليَّ وما حدش يلعب بدماغي ويكسب من ورايا أكتر”.

يذكر أن آخر عمل قدمته بوسي هو أغنية تحمل اسم ارقص معايا من كلمات هاني عبد الكريم، ومن ألحان مدين، ومن توزيع يحيى يوسف.