مجلة النجوم – سيدني 

اعتذرت النجمة شيرين عبد الوهاب لجمهورها على الهواء، بسبب كذبها فيما يتعلق بعلاقتها بزوجها السابق الفنان حسام حبيب.

وقالت شيرين عبد الوهاب خلال مداخلة مع الإعلامية لميس الحديدي في برنامج “كلمة أخيرة” المذاع عبر قناة ON: “أنا آسفة إني بتكلم في موضوعي، في حين إن البلد والناس أكيد عندهم مشاكل كبيرة أهم مني، لكن حاسة إن موضوعي بوخ”.

وأضافت : “الأول أنا عايزة أتأسف واستغفر ربنا على الكذب اللي كذبته، عشان أخلي صورة إنسان تبقى كويسة”.

وتابعت : “أنا كذبت في حاجات كتير قوي عشان أنا بنت أصول، وعشان أرفع صورة إنسان يمكن في يوم من الأيام يروح يتجوز من عيلة تانية، على الأقل يعرف يتجوز وأعرف أخلص منه”.

وتحدثت  شيرين عبد لوهاب في مداخلتها الهاتفية عن أزمة جديدة بينها وبين حسام حبيب بسبب سيارة مرسيدس كانت سبق واشترتها وكتبتها باسمه.

قالت شيرين: أنا ست قاعدة في أمان الله مع عيالي بقالنا 4 سنين شايفين الويل سافرنا الساحل لمدة أسبوع علشان ننبسط بناتي نفسيتهم تعبانة وأنا كمان بناتي مبيعرفوش يقعدوا معايا، ظروفي كانت ظروف صعبة عايشة مع زوج مبيشتغلش ومبيخرجش كنت محبوسة 24 ساعة في أوضة نومي مبعملش حاجة قاعدة بس أنا غلطت في حق نفسي في حق شيرين عبد الوهاب، بس مش عيب أن الست المشهورة تبقى إنسانة متجوزة وتحاول تحافظ على بيتها زي أي ست، كنت فاكرة أني بحافظ على بيتي بس مكنش بيت، دا كان عشة فران، فار دخل المصيدة وأكل الجبنة لحد ما يموت أنا كنت عايشة العيشة دي.

وواصلت : “لو كنت فضلت أقول كلام وحش عنه مكانش هيعرف يتجوز، وبصراحة نفسي يتجوز ويغور بعيد عني”.

وكانت شيرين قد نفت ما تردد عن استفادة حسام حبيب منها ماديا، وقالت خلال ردها على أسئلة متابعيها عبر حسابها في إنستجرام : “بصراحة حق الله، حسام عمره ما أخد مني فلوس ولا استفاد مني ماديا، بل بالعكس تماما، أنا ماعرفتش أحوش فلوس لي غير لما اتجوزت حسام، عشان كان بعكس اللي بيتقال تماما”.

رابط مختصر: https://anoujoum.com.au/?p=11939