مجلة النجوم – سيدني 

بقلم فؤاد نعمان الخوري

،،،،،

يا ريت فينا نعيدْ

أهل الهوى يا عيدْ!

شي ختيرُو

وشي تغيّرُو،

وشي سافرُو

لَـ بعيدْ…

،،،،،

ومنهُن ما عرفُو يكبرُو:

بيتذكّرُو عا السكت

ما بيخبّرُو…

وبيسهرُو

برّات المْواعيدْ.

،،،،،

كانت هديّتنا قصيده

لونها أحمرْ،

وكان الورد أسمرْ؛

ويا ما حَكي ما انقالْ

تشرن عَ غصن البالْ

وتكسّرْ!

،،،،،

صوره وكاس نبيدْ

عا سطَيحة النسيانْ،

ويطلع قمر عشقانْ:

يا ها الصبي الجهلانْ

خدني معَك عَ العيدْ!

رابط مختصر: https://anoujoum.com.au/?p=17197