مجلة النجوم – سيدني.

تحدث المخرج محمد سامي عن النجاحات التي يحققها مع النجم محمد رمضان وآخرها في مسلسل “جعفر العمدة”.

ووصف محمد سامي محمد رمضان بأنه “أشطر ممثل في مصر” وقال خلال حواره مع برنامج et بالعربي: بيني أنا ومحمد رمضان كيميا واستيعاب أفكار بعض مش كل الممثلين أقدر أطلب منهم نفس الطلبات اللي بطلب من رمضان أنه يعملها في التمثيل لأنه قدراته غير عادية، وأنا معايا ممثل بالشكل دا بكتب وأنا مرتاح ومحمد بيجد معايا الحاجة اللي بيبحث عنها وبيسلم وبيثق في اللي بعمله.

وكشف كواليس التحضيرات لمسلسل “جعفر العمدة” وقال: أول حاجة قولتها لمحمد رمضان عن الشخصية أنه “جنتلمان شعبي” كنت ببني شخص مبني على فكرة التناقضات وهو فيه العادات اللي تخلي الناس تتوحد مع الشخصية يقدس العائلة.

وعن أفضل ممثل في مصر هذه الفترة أكد محمد سامي أنه يحب ويحترم كل الممثلين ولكن في رأيه أن محمد رمضان الأفضل موضحا: محمد رمضان أشطر ممثل في مصر ومش عايز حد يبقى زعلان من اللي بقوله لكن الحقيقة محمد قدراته التمثيلية مش عادية في ممثلين كتير وكلهم لا يستهان بهم لكن هبقى دايما منحاز لمحمد رمضان لأن أكبر نجاحاتي معاه ومفيش مرة اعتمدت عليه وخذلني وبقول دايما بدي لمحمد سنتيمتر يرجع متر.

ومسلسل “جعفر العمدة” من تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر، وبطولة محمد رمضان، زينة، هالة صدقى، إيمان العاصى، مى كساب، منة فضالى، عصام السقا، مجدى بدر، أحمد فهيم، منذ رياحنة، دعاء حكم، أحمد داش، بيومى فؤاد، فريدة سيف النصر، جورى بكر، طارق النهرى، وعدد آخر من الفنانين.

رابط مختصر: https://anoujoum.com.au/?p=19274